HJARTDAL HISTORIELAG
Menighetshuset i Sauland
tysdag 1. mars 2022 kl 18.30
Saksliste:
1. Åpning
2. Godkjenning av innkalling og saksliste
3. Valg av møteleiar og referent
4. Årsmelding 2021
5. Rekneskap 2021
6. Budsjett 2022
7. Valg
8. Avslutning
_______________________________________
Årsmelding for Hjartdal historielag 2021
Styret 2021
Svein Bakkalia leiar
Torkjell Tjønn nestleiar ogsekretær
Audun Darrud styremedlem
Gunvald Tho styremedlem
Audun Solberg styremedlem
Ingunn Hovde styremedlem (valgt på årsmøtet,
men trakk seg like etter)
Torkild H Mosebø 1. varamedlem og kasserar
Atle Våle 2.varamedlem
Valgkomite: Torgunn Opsal, Tone Stuvrud og Ingebjørg Bjørnstad.
Revisor: Torkjell Sletta.
Styret har hatt 5 styremøte sidan siste årsmøte i juni 2021. Eit av varamedlemmane har møtt på styremøta.
Dette er like mange styremøte som førre året, men færre samanlikna med 2019 og åra før.
Vi har hatt 236 medlemmar inkludert 3 æresmedlemmar i 2020. Dette er 19 fleire enn fjoråret. Vi har fått 25 nye medlemmar.
Kontingenten var uendra på kr 300,- inkl. gratis bok, Me bur uppå ein plass -Husmannsplassane i Tuddal.
Rekneskapen er avslutta og revidert pr 31.12.21med ei omsetning på kr 224 849,08 og eit overskot på kr 54 515,06. Behaldninga er på kr 339 440,42 pluss kr 107 111,05 i tre særrekneskap.
Koronapandemien og historielaget
Året 2021 har som i 2020 vore sterkt påverka av koronapandemien somogså dette året har sett ein effektiv stoppar for turar, arrangement og foredragskveldar. Årsmøtet måtte haldast seint på året, styret har hatt færre møt erog tilbodet til medlemmane og publikum har ikkje vore like godt som vanleg.
Vi har likevel fått gjort mykje. Vi har fått ut Hjartdalskalenderen og husmannsplassbok for Tuddal i halvåret etter årsmøtet. Historielaget har tre representantar med i den kommunale arbeidsgruppa for kulturminneplanen og det lokalhistoriske arkivarbeidet har halde fram i ei nyorganisert arkivgruppe.
Dette er vi godt fornøgd med trass i pandemi og slik årsmeldinga gjer nærmare greie for.
Møter og arrangement
Årsmøtet blei halde på Menighetshuset i Sauland tysdag 22. juni med 16 medlemmartilstades.Vi gjennomførte årsmøtet seint på året og utan det tradisjonelle foredraget etterpå på grunn av koronapandemien.
Årsmelding og rekneskap med budsjett blei gjennomgått og godkjent.
Valgkomiteens innstilling blei lagt fram av Tone Stuvrud.
Leiar Svein Bakkalia var på valg saman med styremedlemmane Torgunn Opsal og Torkjell Tjønn samt varamedlem Torkild H Mosebø ogTone Stuvrud og Ingebjørg Bjørnstad i valgkomiteen.
Svein Bakkalia blei attvalgt som leiar. Torkjell Tjønn, Torkild H Mosebø, Tone Stuvrud og Ingebjørg Bjørnstad blei også attvalgt. Torgunn Opsal hadde fråsagt seg attvalg. Nytt styremedlem blei Ingunn Hovde. Styremedlem Gunvor Prestarhus og Dag Krokaa i valgkomiteen hadde bedt seg fritatt. Gunvald Tho blei valgt som nytt styremedlem og Torgunn Oppsal som medlem av valgkomiteen. Begge blei valgt for 1 år.
Leiar blir valgt av årsmøtet elles konstituerer styret seg sjølv.
Leiar takka Torgunn Opsal og Gunvor Prestarhus med blomster for innsatsen. Gunvor Prestarhus hadde voremed i styret sidan 2015 og Torgunn Opsal frå 2012. Torgunn har vore nestleiar, sekretær og medlem av årbokkomiteen i mange år.
Dag Krokaa var ikkje til stades, men blei takka og tilsendt blomster.
Om lag 50 personar var møtt fram på Fossehalli i Tuddal på historielagets lansering av boka, Me bur uppå ein plass – Husmannsplassane i Tuddal, tysdag kveld 5. oktober.
Forfattarane Torkjell Tjønn og Audun Solberg har registrert om lag 100 husmannsplassar i Tuddal. Leif Skoje har stått for utforming av boka der kvar plass har fått ein eigen omtale. Saman med bildematriale og kart har boka blitt ein viktig dokumentasjon om husmannvesenet i bygda.
Forfattarane viste lysbilder og fortalte om husmannsvesenet og om plassane i Tuddal.
Svein Bakkalia leia møtet, Nils Bondal spela fele og Steinar Hovde las dikt. Alt i alt ein fin kveld for historielaget.
Telen hadde eit stort oppslag i forkant og alle medlemmane fekk boka gratis. Opplaget på 400 er nå utselt.
Vi har søkt Hjartdal kommune og Hjartdalbanken om økonomisk støtte og fått kr 15 000 av kommunen.
Førjulskvelden med julemat på Tuddal høyfjellshotell har vore ein fin tradisjon i samarbeid med Kjæringkveldane i Tuddal. Dette blei det ikkje noko av i koronaåret 2020 og heller ikkje i 2021. Årsaken til dette er pandemien i tillegg til at prisen på arrangementet har gått betrakteleg opp og dessverre gjort det mindre aktuelt.
Dei åpne møta på biblioteket som var planlagt annankvar månad i staden for dei faste onsdagskveldane,har det enda ikkje blitt noko av på grunn av pandemien, men er planlagt tatt opp att denne vinteren.
Bygdedagane i Tuddal og Sauland og Slåttefestivalen i Hjartdal blei heller ikkje avvikla i 2021.
Årboka, Hjartdalskalenderen 2021 og Kontaktbladet
Bokkomite har somtidlegare voreSvein Bakkalia, Torgunn Opsal, Leif Skoje og Torkjell Tjønn. Det blir heretter ikkje gjeve ut årbok kvart år, men tilpassa produksjonen av andre bøker. Vi har ikkje kapasitet til meir enn ei bok i året. I 2021 kom husmannsplassboka for Tuddal og i 2022 kjem boka for Hjartdal. Planen er å gje ut ei lokalhistorisk bok i 2023 etter same lest som årboka.
Den siste årboka som kom ut i 2020 var den tiande årboka og har alltid vore gratis for medlemar. Prisen på kr 200 i utsalg har vore uendra i alle dei ti åra og opplaget var sist på 400 bøker. I alt 43 personar har skrive i årbøkene og vi reknar om lag 20 personar i ein slags forfattarpool og som truleg vil kunne skrive fleire artiklar seinare. Årbøkene har vore viktige i historielagets arbeid med lokalhistorie, og har fått svært gode tilbakemeldingar.
Kalenderkomite for Hjartdalskalenderen 2022 har voreKjetil Frøland, Ivar T Dahl, Tone Stuvrud, Tor Djupedal, Kari Særsland, Leif Skoje og Svein Bakkalia. Audun Solberg er ikkje lenger med etter å ha vore med på 35 kalenderar heilt frå starten i Hjartdal mållag. Opplaget var i år på 550. Kalenderen er populær og går med eit bra overskot. Montessorri skulane i Tuddal og Hjartdal og Barnegospelen i Saulandhadde også dette året ansvar for dørsalget. I Tuddal blei salget organisert ved å dele ut bestillingslappar i postkassene. Alle tre bygdene hadde bra salg. Elles blei kalenderen lagt ut for salg i butikkane og i bokhandelen på Tuven. Provisjonen var kr 30 pr kalender og utsalgsprisen kr 100.
Kontaktblad for Hjartdal historielag nr52 blei delt ut til alle hustandar i kommunen i juni, saman med innbetalingsblankett for medlemskontingenten. Bladet var i fargar og på 12 sider. Innhaldet var m.a. litt om husmannsplassboka for Tuddal, ein artikkel om kulturmiljøplanen for Hjartdal,stoff frå avisene for 100 år sida og ein avisartikkel frå 1929 om ein av datidas eldste, Olav Brekka frå Sauland. Leif Skoje gjorde som vanleg eit utsøkt arbeid med utforminga av bladet.
Kulturminna
Planprogrammet for kulturmiljøplan for Hjartdal kommuneblei lagt ut til høyring midt i februar og endeleg vedtatt i kommunestyret i mai 2021. Kommunen har søkt og fått kr 100 000 frå Riksantikvaren til dette.
Historielaget har tre deltakarar i arbeidsgruppa,Ingunn Hovde, Audun Solberg og Svein Bakkalia. Arbeidsgruppa har foreløpig hatt 2 møter,eit oppstartmøte 6. juni og eit oppfølgingsmøte 26 august. Vi har tatt på oss ansvaret for kapitelet om ferdselsvegar i planen. Kulturmiljøplanen er planlagt ferdig våren 2022.
Bevaring av stulane i Ståldalen
Hausten 2021 deltok Svein Bakkalia på ei synfaring av stulsmiljøet i Ståldalen i Hjartdal. Historielaget hadde i forkant mottatt ein forspørsel om vi kunne ta eit initiativ for å bevare dette heilt spesielle stulsmiljøet som var i ferd med å forfalle.
Tore Gunnar Bratsberg har i ettertid foretatt ei tilstandsvurdering med eit kostnadsoverslag. Det er meininga at arbeidet skal videreførast i ei prosjektgruppe for å få reist økonomiske midlar til restaurering.
Kulturminnefondet
Frist for søknadar til Kulturminnefondet i år var1. mai. Annonse blei sett inn i Bygdebladet tidleg i mars. Hittil har det kome inn ein søknad frå ei foreløpig prosjektgruppe for bevaring av stulsbuene i Ståldalen på kr 10 000. Beløpet var til dekning av utført tilstandsrapport med kostnadsoverslag for 11 sel. Søknaden blei innvilga på siste styremøte før årsmøtet. Fondets saldo er nå kr 52 486,06.
Registrering av gamle buplassar
Boka om husmannsplassane i Sauland kom ut i 2019 og sist haust 2021 kom boka om plassane i Tuddal med Torkjell Tjønn og Audun Solberg som forfattarar. Audun Solberg har fortsatt med registreringsarbeidet i Hjartdal og dette arbeidet er alt nå iferd med å bli sluttført. Han har på nytt lagt ned eit omfattande registreringsarbeid, denne gong av dei rundt 170 plassane i hjartdalsbygda. Den 3. og siste boka om husmannsplassane i Hjartdal kjem ut til hausten.
Lokalhistorisk arkiv.
Arkivet er planlagt med eit dokumentarkiv, eit fotoarkiv, eit lyd- og filmarkiv pluss ei boksamling. Oversikten over materialet i arkivet vil bli digitalisert. Arkivgruppa er nyorganisert med 5 faste personar som nå er godt i gang med grovsortering.
Mølla-ny bruk
Frøydis H Skoje og Geir J Hagen held fram som historielagets representantar i styret for stiftinga Mølla-ny bruk for perioden 2021-2022. Erling Wang er kommunens representant. Stiftingas årsmelding og rekneskap for 2020 er behandla i styret som har tatt desse til orientering.
Kommunestyret vedtok i desember 2019 å løyve pengar over ein fireårsperiode til eit prosjekt leia av NIA, der framtida til mølla skal utgreiast. Avtale mellom kommunen, NIA og Mølla-ny bruk blei underskrive i juni 2020. Dette arbeidet er nå i gang.
Andre saker
– Økonomisk støtte
Historielaget har fått kulturmidlar påkr 4000 frå Hjartdal kommune mot kr 5000 førre året. Etter avslag i 2019 fekk vi støtte frå Hjartalbanken i 2020. I år fekk vi nok ein gong avslag frå banken.
– Sosiale medier
Vi har ei fast nettside med informasjon om historielaget. I tillegg legg vi ut bilde og meldingar om arrangement og informasjon om bøkene og Hjartdalskalenderen på sidene våre på facebook. Det er stor interesse og stadig folk innom.
– Flytting til nye lokaler
Biblioteket og ungdomsklubben har bytta lokaler på Saulandtunet. Dette har ført til at historielaget måtte flytte og har fått nye lokaler i 2.etg over det nye biblioteket. Her har vi fått større plass både til våre eigne saker og til ei utviding av lokalhistorisk arkiv. Dette er vi godt fornøgd med.
Styret i Hjartdal historielag
Svein Bakkalia
leiar